保加利亞國家隊嘅醫生話，柏杜夫（圖）之所以患上急性白血病，應該同當年前蘇聯切爾諾貝爾核電廠爆炸有關。柏杜夫6歲嗰年，就發生切爾諾貝爾事件，大量輻射塵吹咗去保加利亞，令到唔少東歐小朋友因為癌症而死。隊醫分析，佢知道柏杜夫冇屋企人有過癌症，應該唔關遺傳事，所以佢認為柏杜夫受咗切爾諾貝爾事件嘅輻射影響，所以患上癌症。