22歲的黃日華女兒黃芷晴，前晚首次以模特兒嘉賓身份，到尖沙嘴出席時裝活動，同場還有唐貝詩和松岡李那。黃芷晴透露計劃以模特兒身份入娛圈，她說：「我讀設計，有興趣做模特兒，都有興趣做戲。」問她會否步父親後塵加入王維基揸弗的電視台，她說：「畀爸爸傾，本身之前約王生食飯，後尾佢唔得閒，有興趣同爸爸合作。」
堅拒性感
芷晴表示TVB未接洽過她，問會否支持父親「TotallyVeryBad」的言論而拒簽TVB，她說：「唔知，但會支持爹哋決定，我好錫佢。」會否接受模般的性感尺度，她說：「唔會好似模咁，媽咪都唔畀，對自己身材唔係咁滿意，要減吓肥，同埋唔夠模身材好，都會抗拒內衣泳衣騷。」
最近與周杰倫傳緋聞的唐貝欣前晚甩底，身為家姐的唐貝詩代為澄清：「妹妹返咗北京學中文。」問到周杰倫一向愛身材好的異性，她說：「唔了解佢品味，妹妹身材好唔好，唔會特別提。」有人指她們借周杰倫宣傳抽水，還謂她們連朋友也稱不上，唐貝詩說：「唔係，佢點講就點講。」
採訪：梁錦雯
攝影：仇志德