蔡楓華（Ken）終於完成紅館夢，前晚踏上舞台開騷，年邁母親亦到場為他打氣，令Ken感觸落淚，向媽咪致謝，還她尊嚴。當年Ken因一句「一剎那光輝不是永恒」被指踩張國榮，結果令他事業一落千丈，但他前晚依舊唱出哥哥的《當年情》，贏盡全場掌聲。
足足等了31年的蔡楓華，前晚終於在紅館舉行一場《情陷紅館演唱會2012》，戴上濃密假髮的Ken全晚戴上黑超換上多套歌衫又唱又跳。Ken特別選唱《明星》，原來他曾發誓若不是紅館舞台便不會唱這歌：「好多人問我點解係都要喺紅館開騷？我係為尊嚴、名譽同地位。過去十幾年，我嘅生活慘絕人寰、痛不欲生，不過今日我依然堅強企喺度！」
好友離世嘆孤單
當年Ken因一句「一剎那光輝不是永恒」被指是踩張國榮，結果被飛出《勁歌金曲》主持，兩人fans互相仇視，但前晚Ken不避嫌唱哥哥的《當年情》，台下即掌聲雷動，他還唱出已故梅艷芳的《孤身走我路》、陳百強《一生何求》及羅文《掌聲響起》，Ken表示：「我呢幾年好寂寞，因為呢四位好朋友已經離我而去。」另外，Ken請來林志美和湯寶如做嘉賓，當跟林志美合唱完《愛的火花》，Ken想跟她擁抱，怎料林志美即說：「我唔興呢啲。」令Ken慘食檸檬。
尾聲時Ken多謝台下的媽咪：「媽媽，你個仔冇放棄，我今日可以還你尊嚴、地位同名譽。」語畢即感觸落淚，而蔡媽媽則揮手和鞠躬，Ken嗚咽說：「希望傳媒朋友畀少少面子，我媽咪年紀太老，再寫負面消息佢會頂唔住，我知我今晚演出唔理想，但保證越嚟越好，我怕嘅唔係今晚座無虛席，而係座無一人。」完場後有自稱是「旺角劉德華」的fans在街上唱《絕對空虛》以示支持。
澄清當年非被炒
之後Ken出席慶功宴，再提到跟哥哥的事件，他表示：「我想還自己公道，我講嗰句唔係想攻擊人，當時高層馮美基同劉天賜話要解釋，結果我自動請辭，唔係被炒。」
採訪：李珮洳
攝影：陳慧安