名人揸名車，身為香港未來最高話事人嘅CY，又會坐乜嘢車同用乜嘢車牌呢？大家唔使估，因為答案好簡單，咪就係冇車牌囉，因為特首專用座駕嘅車牌只會用香港區徽，唔會有任何號碼。
不過，呢個獨一無二嘅車牌，正如特首咁，同一時間內只有一個㗎咋，所以縱然CY未登基已經接管咗香港咁滯，名義上嘅特首依然係煲呔，所以呢架特首座駕，享用人仲係煲呔喎。CY之前坐開車牌CY816嘅Benz；成為候任特首後，唔使再出動私人座駕，政府安排咗AM66福士Phaeton畀CY坐，同司局長同一級數，7.1坐正後會換車。
嘩，架車多個6字就係魔鬼車牌，邊個咁大整蠱呀？