宅錄：狗狗情侶裝　清凉水手服

宅錄：狗狗情侶裝　清凉水手服

踏入春夏，當你忙住幫自己換季，有無留意周身厚毛嘅狗狗都需要換裝呢？今年除咗興睇見都透心凉嘅水手服，米奇米妮仲出埋情侶裝，質料較從前的輕薄，有啲仲有凉浸浸效果，以後春夏狗狗着靚衫都唔怕熱親啦！

記者：張文蕙
攝影：潘志恆
Model：Lincoln、CoCo@GME、雪梨、仔仔

Sweet爆　米奇休閒服

今年春夏，從日本來港的PetParadise引入大量迪士尼狗仔衫，小記發現其中還有不少情侶套裝，有仔有女嘅狗狗爸媽有福了！最Sweet首數米奇米妮情侶套裝，大大隻米老鼠望着對方錫錫，仲有個心心Bubble，兩狗走在一起定必惹來注目！
想多啲點綴？可揀背心Tee情侶服，米妮款有假珍珠印花，外襯Lace背心，Cutie得嚟感覺優雅；男裝米奇款則大玩SmartCasual，Tee上的米奇穿上粉藍褲仔，外面的背心襯了藍色格仔布料，還有個眼鏡仔印在衫尾，日本設計係細緻啲！
好多人都將狗狗當成人仔養！勢估唔到狗衫都有如童裝，會有春夏休閒服！狗女款式主要以甜美粉紅作主調，斯文款首推碎花裙仔，有埋Layer，而其Lace亦係優質材料，不易被其他狗狗咬爛。Sporty少少可選粉紅間條連淺綠裙仔，一件過卻有兩件頭效果，上身間條衫及裙尾同樣有Lace，看來輕薄，但摸上手原來極堅韌，日系貨果然較優質。狗仔亦有型仔之選，其格仔領印字Tee，襯埋印字牛仔褲好有街頭文化感覺，長毛狗主怕穿牛仔褲熱，也可選卡奇色布褲，摸上手較透氣凉爽。

可愛

士多啤梨兔仔層次裙。$248/a

■Lace粉紅間條連淺綠裙仔。$280/a

■碎花層次裙仔。$178/a

型格

■露背牛仔褲、牛仔裙。各$148/a

■格仔領印字紅藍Tee。各$198/a
輕薄牛仔褲。$280/a
卡奇色布褲。$248/a

情侶

米奇、米妮心心情侶Tee。各$198/a

■米奇、米妮背心Tee。各$248/a

■米奇、米妮假吊帶衫。各$178/a

和服浴衣　玩蝴蝶Details

春夏「親子」活動離不開陽光與海灘，ILovePetPet指好多狗主都會買埋成Set水手裝帶狗狗去影相！今年新款首推水手造型馬甲，質料較硬淨，但勁薄身，肚仔位沒有布料，只需扣上帶子即可，狗仔Model試穿時全不抗拒；中間銀扣在陽光下閃閃發光，套衫整體感覺夠晒矜貴。
狗女可揀選傘裙款的紅色間條水手服，顏色夠Sharp醒！Casual款則可選藍色水手小背心，印花領巾設計唔怕狗仔亂咬！
具主題性的春夏狗衫仲有和服系列，除了囡囡的傳統蝴蝶花和服，今年男仔嘅和服款都多咗好多，劍道服玩直間紋深藍設計，半似道袍、半似睡袍，喜愛日式傳統文化的狗主必定鍾意。想Sharp啲？仲可以揀選白色柔道服！大家唔使驚中間條腰帶會被狗狗咬爛，因為佢係釘死喺件道袍上㗎，好貼心！

■（左）蝴蝶和服。$218/b
■（右）EverydayHoliday柔道服。$198/b

水手服

■藍白水手服連褲。$350/a

■水手沙丁魚玩具。$59/b

■藍色水手小背心。$108/b

■水手恤。$143/b

和服

■男裝劍道服、碎花蝴蝶和服。各$198/a

■男裝啡黃花黑帶和服、蝴蝶和服。各$198/a

輕薄雨衣　唔侷身

習慣每日出街嘅狗狗，春雨綿綿時無理由要佢哋悶在家中，不過買雨衣質地唔好，狗仔會着得好抗拒！近排小記買咗三件，一試高下立見，日本品牌PetParadise購入的士多啤梨及紫白波點，背後的小蝴蝶釘到實、極耐磨，最Like係佢後面有個掛狗帶圈圈，夠方便！更重要係佢嘅質料，防水得嚟又夠薄身，小記的狗狗着咗都全無抗拒！
吉之家所購的紫紅腰帶雨衣，顏色夠Sharp，不過感覺較厚身，拍攝當日下着微雨，小狗穿上唔夠一分鐘就呱呱叫、發脾氣，或者是較侷身吧！加上腰帶沒有釘實，與其他小狗玩一會，雨褸就半件退了下來！
ILovePetPet優先推出閃石粉紅間條毛巾布背心──PomPreece，絕對係炎夏外出之選！質料本身已經凉浸浸，在陽光下玩耍極爽！再熱啲仲可配個清凉領巾，出街前放雪櫃一陣（放退熱貼亦可），就唔怕寶貝中暑啦！

■紫紅腰帶雨衣。$218/c

■PomPreece閃石粉紅間條毛巾布背心。$168/b

■士多啤梨雨衣。$280/a

■西瓜發聲玩具。$49/b

■紫白波點雨衣。$280/a

透心凉
■清凉領巾。$138/a

a.PetParadise（21539983）　
b.ILovePetPet（26270777）　
c.吉之家（26201314）