魔術「超人」懷特侯活同教練史坦雲根迪炒大鑊，有賭波公司開盤估邊個會走人；史帥走人嘅賠率熱到1賠1，反映咗街外人點睇魔術大細超呢個事實。魔術家水深火熱，仲要禍不單行，星期五宣佈托古魯（圖）面骨骨折要休息3星期，即係常規賽唔會再見到佢上場。個天都唔幫魔術，苦嘅就係一班魔術球迷。