噚日有內地粉絲發現內地嘅國學精粹科，教科書上講中國婚嫁傳統一課，配圖係陳法拉同馬國明演嘅《公主嫁到》劇照，套劇嘅監製梅小青即時轉發兼給力：「公主嫁到上課本了！」法拉噚日回應話：「小青姐有講我聽，好開心，冇諗過會咁，應該課書係講唐朝嫁衣，所以用咗呢張相。」問法拉結婚會唔會着嗰套衫？佢就話暫時冇諗結婚嘅事。