【本報訊】雖然唐英年父親唐翔千與母親唐尤淑圻對兒子當選特首寄以厚望，但林大輝指唐敗選未有對兩老造成打擊，而唐父對兒子落選似乎已有心理準備，所以特首投票日離開香港，前住上海視察唐家在當地的培訓中心。林大輝又稱唐翔千「有乜風浪未見過」，絕不怕有人在選後搞「秋後算賬」。
兒子選舉日避走上海
林大輝透露唐翔千心情未有受兒子敗選影響，不過他似早已知悉兒子會落敗，所以3月25日未有陪同唐英年到會展拉票，反而選擇離港前往上海，到當地電子工程培訓中心視察，「唐爸爸上海有個培訓中心，松江有大廠，專門為國家培訓工業人才」，對於外傳有人會對唐及其支持者「秋後算賬」，林稱唐父絕不擔心：「佢（唐翔千）人生觀同大家唔一樣，佢有乜風浪未見過？」
至於唐母在兒子敗選後已回復正常生活，林大輝形容她「生活得好開心」，「唐媽媽無理由匿埋，每日都做自己鍾意做的嘢，跳舞、唱歌、食飯、打麻雀，佢好識得尋求生活樂趣」。至於被指沉默寡言的唐英年兒子唐嘉盛，林就相信有機會返回唐英年家族公司工作，透露唐嘉盛早於五年前，已到該公司做暑期工。