梁振英簽誓章以示自己唔係黨員，可惜，謊言講九十九次都係唔會成為事實嘅，話咁快就有傳媒踢爆佢89年曾與大羅等人組織「新香港聯盟」，事實俱在，佢係黨員不容抵賴。
同梁振英喺草擬《基本法》年代已認識嘅程介南，噚日接受電台訪問時話，相信梁振英唔係中共黨員。想當年阿程係民建聯「四大天王」之一，根正苗紅嘅佢，相信梁振英唔係中共黨員，至於大家信唔信，反正八方信了。
至於加入新港盟單嘢，阿程指新港盟只係「蚊型黨」，入咗都未必記得，梁振英忘記了，情有可原咁話。至於梁振英頻落區笑晒扮親民，而96年董建華參選特首時，阿程做過公關顧問，幫忙打點落區去籠屋見街坊，梁振英今年重施故技啫。