喺噚日新航B747告別航班上，最受乘客歡迎嘅人物就係新航第一個B747機師KennethToft機長，佢第一份工就係新航揸747，直至60歲退休都冇轉過工。今年75歲嘅KennethToft話，今次能夠以乘客身份坐新航最後一班747，感覺好「fantastic（奇妙）」。
「嗰陣搭機唔可靠」
Toft話，退休後無時無刻都好想揸飛機，但人老了，不得不退下來。回想駕駛第一批嘅747客機，啲引擎好易壞，嗰陣搭飛機真係唔係咁可靠，飛長途仲要經常停喺中途站入油。
家嘅747就好先進，全部用電腦，飛七、八個鐘都唔使入油。
同場另一名新航747退休機長FarleyKennethAlbert，全家人都係從事航空業，佢話今次航程係喺港龍揸飛機嘅囝囝精心安排，「我事前不知道這班機是新航最後一班747機，能夠坐到，好多謝兒子送給我這份最大禮物」。