下季會成為自由身的太陽「大腦」尼殊（圖），早前講過話唔排除會轉投熱火。太陽態度一直曖昧，又傳過今季會送走佢，又傳過唔同佢續約；不過上星期五又有新變化，有消息話球會向呢位38歲嘅神級控衞提供一份兩年2,000萬（約1.76億港元）嘅合約。人哋都叠埋心水轉會去爭冠軍指環，太陽你做好心放尼殊一條生路啦！