【本報訊】屹立旺角半世紀的港式扒房「美而廉」，因業主要收舖重建，昨日結束營業，雖然店方已覓得新舖，即將轉戰大角嘴，但一班街坊及市民昨日均依依不捨，到場吃扒餐歡送老店。美而廉老闆陳太表示，新舖仍要裝修，暫時未定開張日期。
光顧了美而廉10多年的David指自己食量大，「美而廉啲份量啱啱夠我食，特登嚟食最後晚餐」。未知道美而廉將繼續經營的他，得知消息後表示「好驚喜」，坦言一定會繼續支持。
歡送美而廉的除了老街坊，亦不乏年輕人，90後吳小姐稱，幾乎每次到旺角都光顧：「因為抵食夾大件囉！出面邊會有？仲要加一。」」她慨嘆，波鞋街面目全非，具特色的店舖越來越少。其友人張先生指，去美而廉是兒時的夢想，特意來懷緬，「考試一百分，爸爸先會帶我嚟」。