馬德鐘日前喺上海東方衛視參加節目《舞林大會》，同女拍檔跳探戈，雖然跳舞唔係佢專業，但佢都要挑戰自己，仲喺賽前進行24小時地獄式訓練，學得幾多得幾多，話晒個節目都好多藝人參加過，點都唔衰得，一定要頂硬上。喺最辛苦之際，馬德鐘收到老婆同個仔嘅短訊鼓勵，令佢再次振作拼搏，最終都冇出醜，成績仲唔錯。