林莉早前幫蘇永康嘅台北站個唱做表演嘉賓，高以翔做模特兒嘅哥哥高宇橋都有去棒場，佢同林莉喺後台影合照時，忍唔住鬥chok擺甫士。之後林莉送咗本自己嘅慈善寫真集畀康仔，康仔齋睇封面就大讚林莉靚女。完騷後成班人去咗食麻辣火鍋慶功，康仔仲特別包咗貴賓廳慰勞大家，辛苦咗咁耐，林莉喺慶功宴上都特別開胃，盡情飲飲食食獎勵自己。