「我未見佢真人前諗住佢係癲，但我家反而覺得佢好正常、好有道理。」唯一一名應約的Ego搏擊會會員Blue，參加完「維園霆鋒」的觀察人類行為活動，冒雨三小時慘變小丑，翌日更病倒在床，但反而變為「信徒」。
「覺得佢好聰明」
30餘歲的Blue是業餘作家，上周日在電視目睹「維園霆鋒」的驚人言論後，即着魔入迷：「我對佢好有興趣，我好想知佢點解會咁做。」
Blue連日來在網上搜尋有關「霆鋒」的資料，更加入其創立的Ego搏擊會：「我覺得佢係癲癲哋，但更加想見佢真人了解。」
至上周四他見搏擊會有活動，二話不說趕出中環，陪「教主」媾女飲酒，更慘變小丑冒雨呆站街頭，冷的渾身發抖，卻直言無悔：「要了解佢總要付出代價，而且我覺得佢好聰明、好有道理。呢個好好嘅實驗，睇到人生百態。」
與其說「維園霆鋒」是癲佬一名，不如說他裝神弄鬼。他看似有多重人格，但記者問他身世資料時，他總巧妙地迴避問題，更清醒得向記者要求36萬元酬金安排獨家專訪，記者斷然拒絕後，他對自身三緘其口。再看他媾女時技巧多變，又能操多國語言，真儍假癡，或許只在一線間。
《蘋果》記者