「戰意＋體力」成季尾小弟貼波嘅靈感泉源，食住個勢，希望能在指標聯賽英冠等收「咧」前，讓子彈上膛多飛幾回！今天捧英冠1哥修咸頓喺打吡戰大炒南部鄰會樸茨茅夫；熱門當冷門賭，冒進重心博[-1]。
周中戲碼平淡又多強弱懸殊，小弟一直在慎注，志在參與；來到一連數天復活節大賽，球迷不愁寂寞。重心場次選修頓迎樸茅兩前英超隊嘅南部大戰，戲碼及話題性一啲都唔比英超弱，因可能又再會無期。
修頓十年多前建成聖瑪莉球場後，氣勢隨05年降班見頂暴跌；跟着樸茅承繼南部霸主地位，由哈利列納帶領於08年捧走英足盃最光輝；碰巧後一屆，財困嘅修頓再降一級到英甲。現在，兩軍同級聯賽角逐一季後，命運又各走極端，修咸頓贏到今場及下周一作客無憂無慮嘅水晶宮兩戰；跟去季諾域治一樣，連升上英超機會高唱。
相反他們的窮鄰居樸茅，用借兵湊數打埋今屆，上周主場1:5慘負般尼，已證戰意在散渙。球場英雄地，快將陌路不相逢，亦無畀面必要，修咸頓為來屆獨霸南部票房着想，今場必全力打落水狗。1.45倍主W固然穩陣，但[-1]有2.35倍，若見主隊王牌列基林拔傷癒登場，投注更安心。
英冠近期易捉，只知看到密打下，邊隊唞少日都死；再確認「上游下游強，中游弱」嘅典型季尾賭波策略，奏效；所以你會見到「唔升班冇命」嘅伯明翰喺票數軟弱下，仍兩度作客贏波進入安全區第4、又見到諾定咸森林瘋狂搶分成功，暫爬番上安全線。最中得應棍，當然係上周本欄重心，雷丁喺體力較佳下，未完半場已㩒掣反勝韋斯咸4:2，迫近榜首修咸頓。此聯賽，唔信盤路當神明、輕視死數據者，反而大豐收，季尾繼續追縱。
冷選，撐阿仙奴明日鬥攻炒曼城，終止對手爭標夢。阿仙奴去年9月排17位，上周剛7連勝斷纜後，現時仍排第3頂住死敵熱刺，士氣仍盛，最喜絕境下子彈全發攻強敵，鬥弱旅反而縛手縛腳；曼城近4戰失7分，負面新聞成籮，文帥今場焗攻搶3分。呢場全個復活節最期待嘅比賽，大家治軍理念南轅北轍，陌路相逢必冇面畀，想起也牙癢癢；開到冷到震嘅阿仙奴[-1]，這個長假更愉快。
下次見報(14/4)
蘋果波神
今日重心推介
熱選
修咸頓勝[-1](2.35)
冷選
阿仙奴勝[-1](4.2)