好多利物浦球迷對奧雲都嗤之以鼻，或者睇完佢最近講呢番說話，可能有更多人認同。最鍾意養馬嘅奧雲（圖），喺09年加盟曼聯，慳水慳力執到個英超冠軍，今季長期受傷只係踢過4場波，不過佢已經自認為得到成功嘅人生：「我踢過利物浦、皇馬、紐卡素同曼聯，89次代表國家隊入咗40球，仲唔使做都唔憂下半世，真係夫復何求呢。」