那些年，我地屋邨仔踢一對藍白膠拖就落街同朋友踢波，過李太屋企搵阿強，去茶餐廳同阿媽食早餐，一拖走天涯！但係日前有報道指藍白膠拖嘅塑化劑超晒標，愛佢原來變成害你！
記者：陳家蕊
攝影：劉永發
Model：Kara、King@PureModels
塑化膠拖無王管
日前有報道指出原來有機會致癌及影響生殖能力的塑化劑，可經由皮膚吸收，所以除了放入口的食物及食具外，穿上身的物品也有機會因塑化劑超標危害健康。而除了巴西知名品牌Melissa一款膠拖鞋在台灣驗出塑化劑含量超標324倍外，本報以香港人最鍾意的藍白膠拖作化驗就發現塑化劑含量亦有28.6%，遠遠超過台灣的標準值0.1%！而小記打去海關有關部門詢問，香港入口膠拖鞋主要依靠供應商提供產品資料，亦毋須通過產品測試。
人字拖之最Havaianas
但係就快夏天，膠拖始終都係型男索女的最愛，着一對絕對沒有塑化劑的膠拖先係王道。而膠拖之最，當然唔可以數漏被美國譽為「全球最佳橡膠拖鞋」的巴西品牌Havaianas，佢採用巴西天然橡膠與特製技術令人字拖極柔軟又顏色豐富，全球生產與銷售量一年達到2.2億對，絕對係品質保證！如果唔想咁大路，你亦可以選擇美國品牌Keen，佢整對用EVA橡皮膠所造，仲可以回收循環再造，絕對安全環保！而密頭膠拖最驚的焗腳有腳汗，佢都有AEGIS抗菌系統去抑制造成臭味的細菌與真菌，咁就唔驚香港腳啦！但係佢專利的外形，不時喺街市就見到有翻版貨，Patagonia的店長Miki就話要小心，因為那些翻版貨有用塑化劑都唔知！
型格皮拖 一定無毒
如果各位仲係擔心膠拖有問題，當然最簡單的方法就係唔着膠拖啦！唔着膠拖，可以選擇型格皮拖，而真皮拖鞋可能要去到好貴先買到，但在進駐香港剛一年的美國休閒服品牌AmericanEagleOutfitters，就有好多幾百元就可以買到的型格皮拖，款式在簡單的人字拖當中，加上點點的牛仔風格。在男裝的人字拖鞋上，鞋帶部份更加厚了軟皮，令你行路時不會有被的感覺，絕對舒服，加上皮的拖鞋越着越軟熟，係膠拖外，另一首選！
查詢：
a.G.O.D27845555
b.Patagonia31882400
c.AmericanEagleOutfitters27306939
d.Accessorize31011170