商天娥成日被爆麻煩兼惡死，仲被封為癲娥犯眾憎，佢之前同張兆輝拍攝《結．分@謊情式》又傳出有罵戰，噚日娥姐獲老公力撐，兩公婆孖住去商台做訪問澄清，對於被數十宗罪，娥姐逐一解畫，強調自己入行30年，未試過遲到多過30分鐘，佢老公仲坦言愛妻被話佢好心痛，又話報道都係無中生有，仲話會包容老婆所有嘢，令娥姐冧爆。