許廷鏗之前同同學去瑞士作學術交流，喺當地牙科醫院學習，令佢增廣見聞，增加自己喺香港行醫嘅信心。許廷鏗趁機到當地有名嘅少女峰。佢又話去完瑞士之後更愛香港：「因為當地人主要食芝士同硬麪包，搞到我好掛住香港嘅燒味飯同魚蛋粉，香港真係飲食天堂。」不過，許廷鏗又大讚瑞士人友善，認為嗰度係退休定居好地方。