古天樂呢輪喺珠海拍杜琪峯嘅《毒戰》，但上月中呢部戲拍完天津外景，停咗十幾日，古仔難得有假期，就去泰國度假兼還神，有粉絲上月24號喺曼谷拜四面佛時，咁啱撞見佢，粉絲後來將古仔拜神嘅相放上微博。粉絲話古仔拜四面佛好神心，明知周圍都有人認到佢，但佢一於少理，好誠心跪喺地拜晒四面。