劉心悠及DJ少爺占昨日在將軍澳出席美容中心周年活動，劉心悠送了自己寫的書法給大會，她笑說覺得自己的字醜樣。穿上tubedress的心悠消瘦不少，她說：「之前要開戲，瘦咗好多，家要多啲肉，做番啲運動。我都唔敢企上磅，前幾日做gym，教練都話我手臂肌肉萎縮咗。」
增肥等人追
心悠希望努力增磅，笑言肥點才有福相，才有人追求，她說：「冇拍拖，隨緣啦，又唔係街市買菜。」之前傳心悠和鄭嘉穎拍片撻着，她說：「欠啲緣份，我都好欣賞佢，佢係個好演員，係視帝，但冇得發展落去，都拍完戲喇。」問心悠是否拒絕對方？她即大反應說：「佢冇問過，點拒絕呀？」
採訪：盧妹
攝影：陳俊強