上周五魔術對小馬，小馬中鋒希活（右）涉嫌蓄意從後拳襲懷特侯活（左），搞到後者周日鬥唔到金塊；魔術教練史坦雲根迪發晒爛渣，但有消息話聯盟唔會罰希活。唔怪得希活周日鬼咁寸話唔知雲根迪發咩噏瘋，仲話「超人」咁體力化，碰撞就預咗喎。周一小馬俾快艇炒75:94，希活得5分同4籃板，表現咁曳真係報應。