繼上場聯賽後，恩尼斯達（圖）今場又入波，幫巴塞埋齋，又再可以啜手指慶祝佢個囡囡一歲大。破紀錄唔係美斯專利，小白又建功亦都延續佢嘅光彩紀錄，到家為止佢喺巴塞同埋西班牙國家隊一共入咗51球，全部都係一場一球，喺呢51場波，巴塞同西班牙都係保持不敗，即係話凡有小白入波，就唔使愁會輸波。