【本報訊】有「香港霍金」之稱、患有肌肉萎縮症的劉曉鋒（圖），前日病逝，走完28年短暫人生路，壯志未酬，但劉媽媽認為兒子今生無悔。劉曉鋒8歲確診患上遺傳性肌肉萎縮病「杜興氏肌肉營養不良症」，醫生曾斷定他活不過20歲。劉媽媽昨說，曉鋒去年10月病情轉差，入院留醫，今年初開始惡化，前日因心臟衰竭和肺積水不治。
劉媽媽昨說，曉鋒原在研製適合殘疾人士使用的特殊電腦鍵盤和程式，可惜未能完成，希望他的同事可為他完成遺願。曉鋒的後事仍未定，劉媽媽說他生前提出想土葬，「佢希望有個地方，同學、朋友、唔識得佢嘅人，得閒去探吓佢，同佢傾吓偈，講啲心事，唔使咁寂寞」。