碧咸（圖）最近幫美國一間漢堡包連鎖快餐店拍咗個廣告，宣傳新出嘅士多啤梨香蕉奶昔。廣告入面位服務員小姐見到靚仔碧咸走入嚟幫襯，開心到老竇姓乜都唔記得，要碧咸講幾次先有奶昔飲。不過，有關方面雖然聲稱呢隻奶昔係健康飲品，但原來一杯16安士都有成310卡路里，比M記同一款多50卡路里。碧咸一向形象健康，以後揀做代言人真係要小心啲！