【本報訊】在環海街游早水20多年的邱先生，一直風平浪靜，詎料昨日竟「與艷屍有個約會」，不但將藏屍行李篋拖上岸，更曾猛踩行李篋圖打開，結果露出一束駭人頭髮，屍臭味撲鼻欲嘔。他不敢相信踩中的是女屍，事後死撐：「我冇親眼見到，未必係。」
發現艷屍後食早餐
天天踏單車到上址游早水的邱先生事後已梳得一頭靚髮，他指當時見一個行李篋在隔油網內漂浮，好奇心驅使下與數名泳友游近查看：「都好重成兩百磅，仲上鎖打唔開。」為查個究竟，眾人將行李篋拖上碼頭梯級，對着行李猛踢狂踩，希望踩爆篋查看，豈料驚見有髮絲於篋罅露出，飄出陣陣惡臭，嚇得眾人瞠目結舌，知道內藏的東西殊不簡單。
「諗住踩爆佢，點知有頭髮走咗出嚟」。言罷，他疑感不吉利，立即轉口風：「係好重，未必係屍體，我冇親眼見到……阿sir話係女性屍體。」雖然踩過死屍，但似乎無阻邱先生的雅興，他與朋友通電話時說：「我家去食早餐。」其後在一名探員陪同下，他到警署錄取口供。