阿仙奴領隊雲格睇到隊長尹佩斯喺前線撐得辛苦，所以今年夏天諗住買啲前鋒幫手，除普多斯基外，仲睇中咗新特蘭嘅施斯隆，同埋法甲蒙彼利埃射手基奧特（圖），仲搵咗球隊首席球探基文迪去法國探路。基奧特係今季法甲最紅嘅射手，以18個入球排射手榜榜首；拜仁、祖記等都對佢虎視眈眈。蒙彼利埃班主見基奧特咁多人吼，當然坐地起價，話要5,000萬鎊（約6.2億港元）先放人。