蘋機會：機迷實試《星戰》　隔空互劈

經微軟瘋狂催谷後，《KinectStarWars》終於推出，之前喺商場試玩唔夠喉，今勻搵埋Game書編輯同機迷，齊齊投入《星戰》世界較量一番。毋須手掣，揮手揮腳便做出各式經典動作，絕地武士嘅原力，同黑武士嘅DarkSide，隔空隻揪依然精采！

記者：許福合
攝影：陳盛臣
Model：Debby@PureModels

原力格劍

■雙方格劍時，可用原力壓制對手。

《GameWave》編輯飯焦，對星戰故事相當熟悉，而在《KinectStarWars》多個遊戲模式中，最有興趣的是故事及DuelsofFate模式，認為可以將原著世界觀及設定重現。遊戲內玩家可以使用星戰出名嘅原力，原力的設計與Kinect的感應相當夾，只要做個手勢，就可以推走敵人或物件，將隔空打牛絕技現實化。
不過講到最刺激，都係拿起光劍與黑武士決戰。當玩家成功擋下對方攻擊，AttactTimer會大幅增加，儲滿後就有趣了，玩家可使用原力，向前推，甚至係腳踢等動作，務求將對方壓制，成功的話便可展開猛烈攻擊，格劍都要有技巧，唔係亂咁劈㗎。

■憑空做出握劍及揮劍動作，便可以光劍作出攻擊。

■光劍亦可用來防守，將炮火擋下來。

《星戰》名場面再現

要玩得投入，可參與故事模式中《星戰》的各場著名戰役，除了主角們要面對機械兵或戰艦等敵人外，亦有戰車追逐、戰艦炮戰的場景，令人邊玩邊憶述電影的經典情節，好似有份參演一樣，呢種投入度係其他Game難以比擬的。
《CPU》胡說就覺得Podracing最好玩，玩家可選擇賽艇比賽，除了鬥技術速度外，仲要提防對手攻擊，事關賽艇有特殊技能，如攻擊或維修等。另一個銀河飆舞，玩家可與原著主角一齊跳舞，每首歌曲都有三種難度，亦可兩名玩家一齊跳，以獲取高分為目標。另外，還有可化身怪獸搞破壞的RancorRampage模式，玩法夠晒豐富。