俗語常說買車容易養車難，更何況所養的是有幾十年歷史的古董車，即使有零件也不是人人懂維修。好多車主因此將車停泊在停車場，動也不動就以為是對古董車好，維修專家警告此舉不只無助保養，「好似人一樣，唔郁仲易壞！」
記者：李鑒泉
攝影：蔡家輝
Model：FionaChek@mspymodel
鳴謝：JaguarLandRoverHK（25524241）
馬大立：「見洗街車即掉頭走！」
收藏唔少戰前老爺車的馬大立愛車如命，為免古董車生銹報廢，他買車後先將全車拆散換零件重裝，維修動輒以年計算，「整好隨時可以行多廿年。」他亦會將車收藏在恒溫貨倉中，待天朗氣清才揸出街，「唔好話落雨，就連前面有洗街車我都即刻掉頭走。」他勸戒買古董車前要三思，「千祈唔好貪得意買，因為保養所用的金錢和時間，絕對唔止車價幾倍，甚至幾十倍，唔係人人都承受到。」
除古董mini、MG外，近年其他品牌以至戰前汽車也越來越多，雖然買車容易，但維修保養少不免要親力親為，但所謂保養當然不只是保持外殼光鮮，車櫳、底盤等亦要多加注意，經手多部古董車維修的JaguarLandRoverHK維修部經理Willis指，「並非每個車主都是錫車之人，即使同年份生產，質素也有很大差異，好多暗位如沙板、底盤等，單憑肉眼根本睇唔出有問題！」
小心濕氣銹迹惹全身
車主好多時會忽略引擎及底盤銹迹，導致古董車最後返魂乏術。尤其在海邊、山頂等濕氣重的地區，對古董車更是噩耗。問題輕則有煞車皮黏實不能分開、煞車碟生銹等，較嚴重的包括濕火咀、氣缸套入水、電池接頭積藏氧化物、鐵造油缸生銹等，銹迹更會如疫症般蔓延，屆時愛車就如同廢鐵。Willis建議車主盡可能阻隔鐵製零件與空氣接觸，如經常注滿油缸及清潔電池接頭等。至於坊間傳聞「下雨出車即死」，Willis：「太誇張喇！濕水後應盡快抹乾，但如果底盤及車身已出現銹迹，遇上水份會將情況加劇，車主唔識保養，自然藥石無靈。」
輪胎變形 愛車毀容
是否將愛車放在貨倉中就一了百了？「汽車終歸是機械，擺放得太耐唔開動，隨時會郁唔到，到時愛佢變成害佢。」因此Willis建議車主每星期至少開車在停車場繞圈一次，順道試驗機件有冇潛在問題。不過行車前要注意輪胎有否變形，「好多人以為輪胎坑紋有足夠深度就夠，事實上橡膠會隨年月老化繼而變形，變形輪胎會猶如流星槌般撞穿沙板。」無論行車里數如何，車主應保持三至四年左右更換輪胎的習慣。遇上天氣潮濕，最好每日抹車，以免水滴與灰塵混合後於車身上形成頑固污迹。另一方面，普通乾燥劑足以讓車櫳保持乾爽，最好擺放在油門腳踏、尾座及行李箱等較底位置，減低發霉機會。不過無論點保養都好，車主應定期為古董車檢查，今次拍攝用的積架XK120車主就一直光顧原廠的保養維修，新淨程度令車價依然保持接近二百萬。
保養逐部睇
