CBA北京隊嘅馬貝利呢排好風騷，幫球隊奪取CBA總冠軍，有紐約報章嘅記者就問佢，趁住林書豪受傷，有冇興趣返紐約人打波，馬貝利好斬釘截鐵咁話死都唔會返去；但美國狗仔網站TMZ就報道，馬貝利因為斷供，佢一間喺洛杉磯嘅豪宅被強行拍賣，而且只係賣約230萬美元，唔夠支付310萬美元嘅欠款，估唔到馬貝利都係負資產一族。