黃宗澤（Bosco）夠乖巧，所以得到不少客戶垂青，加上HTC是無綫股東王雪紅旗下品牌，難怪他落力宣傳。昨日Bosco出席HTC在尖沙嘴舉行新聞發佈會，他在台上賣口乖說：「我剩係用HTC，其他電話點樣用我都唔識。」被指因為品牌老闆是王雪紅故落力宣傳，Bosco說：「唔係，兩個唔同公司，不過好高興佢哋鍾意我。」
Bosco表示家中有六、七部該品牌電話及兩張電話卡，不知女友胡杏兒知不知Bosco有兩張電話卡？他笑說：「咁佢又冇管得咁嚴，不過多數都係佢打嚟，傳吓短訊，大部分都係佢。」胡杏兒北上拍戲，Bosco坦承日日短訊傳情：「我哋不時都會影吓相傳畀大家，我食乜好嘢會引吓佢，因為佢鍾意食嘢，自拍就唔會，我都係鍾意影死物。」
採訪：楊潔雯
攝影：黃偉雄