Mr.、RubberBand和劉以達前晚在九展舉行拉闊理想音樂會，合唱張國榮（哥哥）的《大熱》，向逝世九周年的哥哥致敬，劉以達在台上說：「今日係紀念日，哥哥係好出色嘅藝人，但係最癲峰年代離開我哋。」
Mr.表示今次合作是十年難逢喜事：「好多band由早做到晚，好難有人投資呢啲騷，如果成為傳統，每年搞就最好。」他們獻唱《走獸》時戴上狼、豬等面具，令人揣測他們暗寸特首選舉，Alan歡迎大家對號入座，Dash則說：「講走獸乜走獸都有，豬狼對於我哋嚟講都係走獸，觀眾睇得開心，一個社會人民最緊要，希望新政府搞多啲呢啲騷。」
此外，前日吳浩康組成的Closer有份表演，有指其新女友都有在現場，兩人表現十分親暱。鍾情band仔的蔡穎恩被爆料指她迷上Kolor低音結他手高耀豐，兩人不時孖住出席朋友聚會。
採訪：李珮洳
攝影：陳俊強