上星期六，香港植樹日喺元朗大棠舉行，有份贊助嘅滙豐叫埋班員工一齊去做義工，華華聽聞滙豐有成120個員工參加，所以連亞太區行政總裁王冬勝都畀面出席。當日前財爺梁錦松同佢太太伏明霞都有出席。滙豐員工難得見到老細，梗係要嚟番張合照紀念吓，華華睇真啲張相，發現一班員工都着住大會主題T恤，仲戴住勞工手襪，但係王冬勝就冇戴，唔通想拍手嗌加油時響亮啲？