【本報訊】新界村屋僭建遍地開花，違規天台屋、圍封露台甚至由三層變六層，隨處可見。政府今起將嚴厲執法，居於元朗蕃田村四層高村屋的文先生批評當局現行政策不公平，其村屋地契不設高度限制，多年來都有向差估署繳足差餉及地租，且結構安全，堅拒清拆，甚至有村民揚言，會阻止屋宇署職員入村視察，「就算出動防暴隊，村民都會用血肉之軀阻止。」
六層被頒令拆三層
元朗新田蕃田村大部份村屋都樓高四層，其中一幢更加建至六層，早前遭法庭頒令即時清拆第四至六層的僭建物。村民文先生指，目前他居住的祖屋於02年重建，樓高四層，當年重建時政府不設高度限制，差餉物業估價署亦有向其村屋4樓，徵收逾萬元的地租，質疑當局執法不公，「真係冇乜理由，我最多咪同佢（政府）打官司，法庭見囉」。他擔心一旦清拆村屋頂層建築物，會影響整棟村屋結構，希望政府容許業主透過補地價解決僭建問題。
元朗東頭村村民陳先生認為，政府要求清拆頂層僭建物，連帶低層建築結構同受影響，「你拆我一層，同拆我一棟根本冇分別，你拆我三樓，二樓又唔要得，唔係你拆我間屋仔咁簡單，因為漏水情況真係好緊要。」
大埔泰亨村代表文貴連認為，政府要求業主申報僭建物，業主無理由拒絕︰「呢個係責任問題，佢又冇話要懲罰你，唔通你唔申報香港政府就唔知咩！政府每日都有直昇機巡邏，有影鳥瞰圖，一定知道（僭建）㗎。」