今年夏天上演倫敦奧運之後，將會喺8月29日至9月9日進行殘奧。英國警方為咗可以集中資源應付呢個賽事，要求英超方面作出協調，喺下季季初9月1-2日呢個周末，唔好安排倫敦球隊嘅主場比賽。據講警方亦都希望喺倫敦進行期間，即係7月尾至8月頭，所有倫敦球會都唔好喺自己地頭度搞熱身賽，費事影響警力安排。