青山公路一帶樹木遭怪客破壞，康文署聲稱傷口能自動癒合。不過有專家指，樹木一旦受傷，造成的傷口將永遠無法治癒，更遑論自然癒合。
有「樹博士」之稱的港大講座教授詹志勇應本報邀請到現場視察，他見慘被活剝皮的木棉樹便低呼：「好心痛！邊個咁殘忍！」他撫摸因脫水已經裂開的傷口良久：「個傷口太大，棵樹冇辨法自己埋口，真菌好容易就會入侵，棵樹就會慢慢腐爛，冇得救！」
切斷所有輸送管道
他發現其中一棵樹的一圈樹幹共有5個傷口：「樹皮下面有管道輸送養份落根部，佢一圈咁剝走樹皮，即切斷所有輸送管道，養份落唔到下面部份，棵樹亦會玩完。」但他不認同當局沒任何補救措施：「我見到好多傷口切口唔算完整，可以整平佢防止積水，唔係只會死快啲。」
長春社總監蘇國賢亦表示，樹木跟人不同，人的傷口會自然埋口，但樹對任何傷害都不能自然痊癒：「樹木傷口是永遠。」他又謂約兩年後真菌感染症狀便會浮現，「樹嘅傷口很難消毒，惟有定期做檢查及紀錄，維持樹木嘅健康狀況。」
《蘋果》記者