廣東人愛飲老火湯補身，但要戒口的糖尿病患者不一定要「滴湯不沾」，大埔那打素醫院糖尿病中心去年開設「煲靚湯、實健康」課程，教病人煲健康湯水及飲湯技巧。另自創「飲食十訣」，讓病人出外飲食時揀啱菜式。
只飲三分之一碗湯
負責開班的該院膳食部經理王漢明說：「好多家屬會為病人另外煮飯，煮得好清淡同乏味，完全唔落油，病人通常同家人分枱食飯，食得好孤單。」如用較濃味及「無咁肥」的豬尾骨煲湯，取代較肥膩的豬髀骨、西施骨；飲湯前應隔油及不吃湯渣；因湯料已溶入老火湯中，病人每餐只可飲三分之一碗湯，即約100毫升。病人可每一至兩周飲一次老火湯，平日可飲用滾湯，如肉片白菜湯。飲湯時要作食物換算，如飲番茄薯仔湯時，吃一個雞蛋般大的薯仔，須少吃一湯匙白飯。「三低一高」是糖尿病人飲食大原則，包括少糖、少鹽、少油及高纖維；用易潔鑊可減少用油；用隔油壺、煲湯袋可方便病人飲湯。