大阪飛腳喺新一季日職聯賽繼續表現低沉，喺噚日賽事依然贏唔到，作客新潟天鵝以1:1逼和對手，但都總算喺開季3連敗之後，拎到今季第1分。噚日繼續有意外戰果，3戰全勝嘅FC東京主場迎戰廣島三箭（圖）諗住實食冇黐牙，點知爆冷0:1輸波；至於仙台維加泰就保持強勢，作客大阪櫻花贏2:1，開季4戰全勝，兼打破對手嘅不敗身。