【本報訊】被指經常與政府打對台的香港電台，在董建華年代已逐步遭「陰乾」，梁振英上場，盛傳整治港台是其首要政治任務，是報答中央欽點及換取中聯辦脅迫選委轉軚的條件。
顧問委員會被批封閉
現任港台「太上皇」的顧問委員會主席黃嘉純，被指與梁振英關係密切，港台節目製作人員工會主席麥麗貞直言，「究竟會唔會有人落order（命令）叫黃嘉純做嘢，呢個真係唔知」。她批評顧問委員會封閉，不讓員工加入作代表，「入面有冇干預，我哋真係唔知」。
去年底遭撤換的港台烽煙節目《自由風自由Phone》前主持吳志森指，梁振英上台後會「慢慢嚟」陰乾港台，港台日後被整頓的情況「只會比現在更差」，加上港台管理層短期青黃不接，「遇到一個新政治環境，大家心中無底」。
吳志森由07年至今擔心港台另一節目《頭條新聞》主持，常諷刺高官政要，屢受政治施壓。現時節目至6月底完結，新一輯播放時梁振英已上任，「如果佢要換我都冇辦法，我哋係邊緣勞工。但畀多你做一季又點？又改變唔到乜嘢」。