有時上天好公平，打波叻未必做生意叻，「波神」米高佐敦（圖）2010年正式成為山貓班主，不過球隊沉淪，今季贏得7場咁大把，成為首支肯定冇份打季後賽球隊；加上入座率偏低，上季已經蝕咗2,000萬美元，今季恐怕盤數更差，搞到波神都意興闌珊，接受《紐約時報》訪問時表示，如果未來3、4年之間山貓冇起色，就會決定賣盤。