網絡免費資源實在太多，仲多到你唔知點揀好！不過，選擇都應該有學問，萬一因衰鹹濕而中病毒，咁就無謂啦！最近，芬蘭保安軟件公司F-Secure就發現咗一種新病毒，佢利用MacOS提供嘅檔案預覽功能，將Preview圖片化身為性感索女，從而引一班鹹濕仔Click個掣單撈；一旦「唔小心」下載，病毒會自動安裝一個後門通訊程式（Backdoor），然後盜取你電腦上嘅任何資料，唔想成為受害人，巴打們小心啲啦！