C朗（右）大戰拿度！有得諗咩？一個足球天王，一個網球巨星竟然可以同場較量。原來係佢哋嘅贊助商推出咗新廣告，內容係C朗去搵練緊波嘅拿度單挑。C朗面對拿度嘅強勁發球都冇有怕，來回幾球之後以一腳窩利先攞1分。拿度都唔示弱，用佢一樣出色嘅足球技術剃番C朗眼眉。片裏面C朗用心口接住拿度百幾二百公哩嘅發球痛唔痛？廣告嚟啫，咁認真做乜？
