楊愛瑾（Miki）、朱晨麗以及楊梓瑤等，前晚到將軍澳電視城擔任《五覺大戰》嘉賓。Miki表示最怕入黑房的環節：「我好驚一陣會摸到啲會郁嘅嘢。」
Miki買樓唔睇景
談及早前藝人家中被偷拍事件，Miki認為藝人都有私隱，加上家中是最私人的地方，故不應影入屋，她說：「我入行10年屋企都未開過窗簾，都唔使買海景樓。」Miki又指每次被影到與異性外出都被指拍拖，令其形象看似很花心：「希望大家影完照事實寫，我真係唔介紹喺街俾大家影到。」
洪天明早前力斥太太周家蔚的舊愛ChesterLim於婚宴中不請自來，他前晚透露對方已致電道歉：「佢媽咪都有打畀我，我畀面佢媽咪，做人最緊要知錯肯改，我原諒佢，希望佢生性。」
採訪、攝影：黃曉妍