一連兩場「張信哲我看見世界巡迴演唱會2012」前晚於紅館揭開序幕，身為劇團老闆的阿哲，將舞台劇元素加入演唱會中，並以其經典歌曲串連五個單元。阿哲在台上坦言想覓得愛人，他又以西班牙鬥牛勇士look獻唱，並自嘲有雙蘿蔔腳。
有台灣情歌王子之稱的張信哲，前晚於紅館舉行個唱，雖然入座率只得八成，但無損他演出的心情。阿哲今次將演唱會分為五個單元，並將舞台劇元素加插其中。
掛念香港粉絲
完成第一幕演出後，阿哲在台上脫去外套，引來歌迷尖叫，他說：「好開心返到嚟呢度，上次係三年前，好掛住你哋，今年我紀念入行20周年，好多嘢都希望由頭再嚟過，當然希望你哋繼續支持我。」
阿哲又在個唱中發表了對愛情的看法，他說：「時間對我嚟講係好特別，愛情就同時間一樣，如果啱嘅時間遇上啱嘅人，就會有好好嘅結果。但係好多時唔係咁幸運，好似我仍然一個人企喺呢度。」
歌迷大讚靚仔
及後阿哲以一身西班牙鬥牛勇士look出場，與舞蹈員載歌載舞，當他獻唱其經典情歌《過火》時，邀請全場觀眾一起大合唱。不過阿哲事後表示穿上鬥牛服感到很尷尬，他解釋說：「我未試過畀大家見到我對蘿蔔腿，覺得着住呢套衫好尷尬，諗唔到着呢套衫都會咁大壓力。」此時台下歌迷即大叫：「你好靚仔。」以鼓勵他。最後阿哲換上牛仔褲及便服獻唱幾首快歌，又唱又跳，不過舞姿略為生硬以及有點跟不上節奏。
採訪：李珮洳
攝影：葉君海
