全國政協委員楊孫西個仔楊華勇結婚，閃電娶咗拍拖唔夠一年嘅地產女友。楊華勇係富二代、官二代組織菁英會嘅副主席，前晚喺君悅擺酒，都有唔少富二代撐場，好似趙世曾個仔式浩、小小超表弟林忠豪等。當中莊氏集團太子爺莊家彬都有做兄弟，之後同佢低調拍拖嘅女友傅明憲都有出現，問傅明憲幾時輪到佢擺喜酒？佢就笑笑口無答，快步入場。