儲印花換廚具已成為唔少師奶嘅奮鬥目標，最近惠康「笑住儲」由煲具換上PeterRabbit餐具。今次PeterRabbit餐具有大餐碗、連蓋杯、蛋糕碟、餐碗共四款，最少儲30個印花就可免費換領餐碗或蛋糕碟，相比起煲具，的確易儲好多！今次仲有繪畫比賽，18歲以下嘅你可於6月21日前參加創意繪畫比賽，有機會贏取價值超過$3,000嘅全球限量手做公仔一個，拎唔到公仔唔緊要，只要參加繪畫比賽，就有一次抽獎機會，有機會得到以PeterRabbit為主題嘅日本長島度假村四日三夜四人豪華遊一份，價值六萬元，一於叫齊親友畫番幅靚畫先！
記者：區佩嫦
查詢：23692226