方大同前晚喺尖沙嘴做汽車品牌晚宴嘅表演嘉賓，佢唱咗兩首歌，不過因為感冒，搞到佢成把聲都變哂，仲話病咗個幾星期，但就冇睇醫生，佢話：「食吓藥會好番，今次病住出活動唔關酬勞事，係因為好早已經應承咗。」方大同話佢本身鍾意車，但就冇車牌，都有計劃學車同買車，問佢會唔會為咗追女仔買型仔跑車，佢就話買車以實用為主。