曼城又傳將帥不和？據報，領隊文仙尼因為捉到前鋒巴洛迪利喺更衣室食煙，見契仔屢勸不改，話戒煙又戒唔甩，㷫㷫哋喺球隊操練時狂插巴洛迪利（圖），而「腦殘」亦唔示弱，即刻還拖，搞到氣氛好僵。不過，曼城今屆都成日傳出巴洛迪利同文帥炒嘢，但喺跟住場聯賽，佢咪又係正選，有時仲做埋入球功臣㖭！