【本報訊】籌備十年、有7.3萬人報考的首屆中學文憑試昨日開鑼，試卷深淺言人人殊，當上首屆「白老鼠」，有考生形容「全場啲人都好緊張」。不少家長想辦法助子女減壓，有人請假三日半陪子女應試，不少試場外昨出現等子女的「廿四孝」家長群。
記者：倪清江 彭美芳
文憑試由中文卷一「閱讀能力」和卷二「寫作能力」揭開序幕，部份中學昨日停課，以供考生可於禮堂和課室應試。
到天后庇理羅士女子中學應試的港大同學會書院潘同學，踏出試場即大呼「鬆咗口氣」，「噚晚（前晚）瞓吓醒吓，今朝（昨晨）仲好緊張，嚟到見到同學就好啲。」
張祝珊英文中學蕭同學指試場氣氛緊張，「全場啲人都好緊張，臨考前仲有人揸住筆記溫書。我覺得自己係白老鼠，但作為第一屆先鋒都幾開心，今日好特別」。
到庇理羅士應試都是女生，昨午所見，約十名家長坐在入口旁的休憩處，另有家長坐在泊在路旁的車上，等待女兒考試完畢。
這幕陪子女考試情景在過去的會考和高考都罕見。北角雲景道各中學外也圍着一群群心急家長。
請假三日半陪考
任職電訊業的Echo表示，一連請假三日半陪細女到試場，希望可助女兒減壓，「佢好緊張，生好多暗瘡，以前冇㗎。陪埋呢次，第日入咗大學就唔使再跟」。另一家長李太昨則臨時到來等候接女兒，「佢唔知我嚟㗎，想幫佢打吓氣。因為今年係第一屆，帶畀學生好大壓力」。
港大同學會書院李同學的父母都來等她，她踏出試場滿心歡愉，「佢哋嚟支持吓，心裏面都定啲」。李最擔心是會計科，反而對下周一考試的通識教育科不太擔心，「今次係第一次考，考評局應唔會出得太難」。
沙田崇真中學校長張文偉的長女也是首屆考生，他說沒想過家長也會有莫大壓力，「本來想送佢去外國讀書，但係太遲啦。（如果）考唔好，入唔到想入嘅學系，只能選擇唔太鍾意嘅學系」。
各主科將陸續舉行，佛教覺光法師中學學生招本立說，在過去一個月連續補習四科作救亡，「我已經準備咗成個月，幾乎日日做練習卷、補習，希望可以升讀工商管理」。